НОВИ САД – На вчерайшей шветочней схадзки Скупштина Городу Нови Сад принєсла Одлуку о додзельованю тогорочней Октоберскей награди и Новемберскей грамоти Городу.
З векшину гласох одлучене же Октоберску награду достаню Музична младеж, Здруженє пензионерох Нового Саду и новинар ТАНЮҐ-у Ненад Чачич.
Єдогласно одлучене же Новемберску грамоту достаню майстор Лайош Лукачи, котри роки отримує годзинку на Петроварадинскей твердинї и директор Ґимназиї „Йован Йованович Змай” Радивоє Стойкович.
Тиж так, на вчерайшей Скупштини за почесного граждана Нового Саду вибрани французки лїкар и професор Жан Пєр Лоц, пре вельке доприношенє розвою у обласци онколоґиї у Новим Садзе.
Награди добитнїком буду уручени 23. октобра у Городскей хижи, на шветочносци з нагоди ошлєбодзеня Нового Саду у Другей шветовей войни.