КОЦУР – Фодбалере коцурскей „Искри“ вчера на домашнїм терену бавели найважнєйше змаганє у тей сезони, процив „Войводина“ з Бачкого Ґрадишта, а резултат змаганя двох першопласованих екипох у Медзиопштинскей фодбалскей лиґи Бачка Тополя-Мали Идьош-Вербас-Бечей на концу бул нєришени – 2:2.
Патраче видзели праве дерби-змаганє, на хторим „Войводина“ два раз водзела, а „Искра“ два раз сциговала резултат. Ґоли за „Искру“ дали Марян Малацко и Златко Колєсар.
Пред „Искру“ ище два кола, у хторих бави процив предостатнєй „Побиди“ з истоменого места и процив „Обиличу“ зоз Змаєва.
За уход до висшого ранґу змаганя „Искри“ потребни ище два боди, же би обезпечела перше место на таблїчки.