НОВИ САД – У предходним тижню, прейґ Продуктней берзи Нови Сад предате 2.175 тони роби, цо за 21,71% менєй як тидзень пред тим. Финансийна вредносц вкупного обтоку виношела 84.199.250 динари, цо у одношеню на тидзень пред тим рост од 3,74%, гвари ше у сообщеню Продуктней берзи.
Доминантна култура тарґовини була соя, зазначени пад цени сої и кукурици, а цена жита росла у одношеню на пред тижньом.
Кукурицу ше предавало по ценох од 14,00 по 14,20 дин/кґ, пондерована цена була 14,08 дин/кґ без ПДВ (15,49 дин/кґ з ПДВ), цо у одношеню на тидзень пред тим пад цени од 9,11%.
Жито ше предавало по ценох од 19,00 пo 19,80 дин/кґ без ПДВ. Пондерована цена була 19,48 дин/кґ без ПДВ (21,43 дин/кґ з ПДВ). У одношеню на тидзень пред тим цена наросла за 2,89%.
Тарґовина зоз сою вкупним обтоку облапя 46%, а предвало ше ю по цени од 42,80 пo 44,00 дин/кґ без пдв з обраховйованьом квалитета. Пондерована цена була 43,44 дин/кґ без ПДВ (47,78 динкґ з ПДВ), цо у одношеню на пред тижньом пад цени од 2,09%.
Вецей ше предавало минерални гної и то гной формулациї МАП (MAP) 12:52 по цени од 85,78 дин/кґ без ПДВ, NPK 20:20:0 пo цени од 52,65 пo 53,47 дин/кґ без ПДВ. NPK 16:16:16 предавани од 52,89 пo 55,24 дин/кґ без ПДВ у зависносци од пакованя, паритета предаваня и условийох плаценя.