ДЮРДЬОВ – Вчера, пондзелок 15. септембра у просторийох Културно-уметнцкого дружтва Тарас Шевченко у Дюрдьове орґанизовани роботни акциї.
З тей нагоди члени Управного одбору Дружтва и симпатизере реновираю тоалет. Буду заменєни древени дзвери, шицка санитария и цегелки, як и одводни и доводни циви.
Акцию порушали членїци Управного одбору Дружтва, а потримали хлопи, котри и буду на тим найвецей робиц.
До тераз пообивани и винєшени стари цегелки, зняти шицки трої древени дзвери и винєшена санитария, тиж ше и викопало стари циви.
Шлїдуюца роботна акция запланована за ютре дополадня, кед ше заменї одводни и доводни циви, потим ше полїпи нови цегелки и положи ше и нови дзвери.
Шицку роботу и купованє потребного материялу финансує КУД Тарас Шевченко.
