НОВИ САД – Дружтво за руски язик, литературу и културу участвовало на Медзинародним сайме кнїжкох, всоботу 22. марца у рамикох представяня Координацийного одбору (КОО) дружтвох за язики, литературу и културу.
Спред Дружтва за руски язик, литературу и културу представени Зборнїк роботох Studia ruthenica 30 и нова кнїжка Ирини Папуґа Зоз прешлосци нашей церкви у Бачинцох.
Предсидателька КОО др Вирдїния Попович, представела 11. число Мултиязичного часописа Нови мост и бешедовала и виданьох Дружтва за румунски язик Войводини. Ана Мария Калудєрович представела виданя на горватским язику, а Васка Черґоска бешедовала о кнїжкох на македонским язику.
После промоциї виданьох читани стихи на сербским, румунским, горватским, македонским и руским язику.
Дружтва свойо виданя представели на штанду Покраїнского секретарията за образованє, предписаня, управу и национални меншини – национални заєднїци.
