ДЮРДЬОВ – У церкви Рождества Пресвятей Богородици у Дюрдьове, вочи швета св. Миколая, пондзелок, 18. децембра, отримане саночне на 18 годзин, хторе служел о. Михаил Холошняй.
Школяре хтори ходза на виронауку, вєдно зоз свою вироучительку Татиану Барна, на саночним шпивали Тропар св. отцови Миколайови, як и Отче наш и Богородице дїво, и зоз своїм шпиваньом возвелїчали тото швето.
После саночного и мированя, у орґанизациї Церковного одбору, дзецом подзелєни осемдзешат пакецики.
И попри жимней хвилї, церква була полна зоз дзецми и родичами.