СЕКЕЛЬКЕРЕСТУР (РУМУНИЯ) – Дзивоцки бенд Дома култури Руски Керестур Women Power, участвовал на тогорочним 26. Стретнуцу населєньох зоз назву Керестур у месце Секелькерестур, у Румуниї.
Рускокерестурски бенд у Румуниї пребувал од 6. по 9. авґуст, а з тей нагоди дивчата наступели у културней часци манифестациї.
Слово о традицийним стретнуцу представнїкох населєньох зоз назву Керестур, а зоз преважно Мадярскей, алє и Румуниї и Сербиї як и других европских державох.
Циль манифестациї повязованє локалних заєднїцох, черанє искуствох, представянє култури и обичайох, як и друженє жительох зоз местох хторих повязує заєднїцка назва.
Бенд „Woman powerˮ ше з тей нагоди представел зоз блоком шпиванкох познатих домашнїх и страних поп и рок гитох, на руским, сербским и анґлийским язику, а насупели у составе – Михаела Брекайло (буґни), Адела Мецек (бас ґитара), Кристина Русковски (клавир/вокал), Емилия Мудри (ґитара), Кира Пап (вокал/клавир) и Хана Будински (вокал).
Руководитель бенда и аранжмани шпиванкох поробел Сашо Палєнкаш, вон бул источашнє и орґанизатор одходу, вєдно зоз Анико Ґрубер, а у составе делеґациї на стретнуце пошли Жолт Ґоґа, спред мадярского културного центру Непкер, як и Кароль Валка спред локалней самоуправи.
Одход помогли – спред локалней самоуправи Кароль Валка, Месна заєднїца Руски Керестур, Мадярски културни центер Непкер на чолє зоз Жолтом Ґоґом, як и Дом култури Руски Керестур.
