ПАЛИЧ – У преполней сали биоскопу Абазия на Паличу вчера, 23. юлия, приказани филм Розбиванє табуох (Breaking a Taboo) у режиї Михайла Кирила Планкоша. Филм приказани у рамикох 32. Фестивалу европского филма Палич.
Режисер Планкош гварел же ше о теми того филма часто нє бешедує явно, а то проблем вчасних малженствох, поготово у ромскей популациї. У фокусу споведз женох зоз седем державох, хтори шмело и отворено бешедую о своїх искуствох, дзецинству, огранїченьох, алє и о надїї о лєпшим живоце. Окремни емоциї ноша приповедки наймладших учашнїцох, хтори ше оглядли на проблем вчасних малженствох у сучасним чаше.
По законченю проєкциї, була дискусия на хторей нащивителє могли побешедовац зоз режисером и подзелїц з нїм свойо упечатки.
Фестивал европского филма на Паличу тирвал од соботи, 19. юлия, по вчера.