КОЦУР – Окрем компетентних зоз Жимскей служби ЯКП Комуналєц Вербас котри водзели рахунку о розчисцованю драгох у Коцуре, до акциї ше уключело и Добродзечне огньогасне дружтво Коцур.
Зоз машинами предходних дньох розчисцовали вецей улїчки по валалє, а од шнїгу розчисцели и драгу Коцур–Змаєво.
На главней драги у Коцуре руцена соль и цалком є преходна, док по других улїчкох шнїг розчисцени, алє остало пасмо ляду и нєобходна осторожносц у транспорту.
