ШИД –После суперклїтинковей бурї, котра направела огромну чкоду у реґиону, а окреме у Сриме, фирмаCEO Publicis Groupe Adriatic и Ґалерия малюнкох „Сави Шумановича“ зоз Шиду, порушали донаторски проєкт, з котрим сцу материялно помогнуц пострадалим у нєпогоди.
Слово о 18 репродукцийох малюнкох познатого маляра Сави Шумановича, котри диґитално ретуширал дизайнер Иґор Орсаґ.
Так, познати Шумановичово дїла на тему сримскей природи Орсаґ преробел, як би випатрали Савово малюки кед би тоти древа пострадали у бурї.
Донаторска аукция малюнкох була орґанизована пияток, у Ґалериї „Сава Шуманович“ у Шидзе, а на нєй були предати шицки Шумановичово репродукциї, котри ретуширал Орсаґ.
Зоз средствох котри уплацели донаторе, планує ше купиц млади древка за полєшованє Шиду и околїска.