СУБОТИЦА – Карате клуб Русин участвовал на 27. Супер Енпи Интернационалним змаганю у каратеу, хторе було отримане внєдзелю, 29. марца у Суботици.
На змаганю участвовали 28 клуби, медзи хторима були змагателє зоз Словацкей, Белґиї, Нємецкей и БиГ. На тим змаганю участвовал и КК Русин за хтори ше змагали: Леонтина Балинд, Александра Кекень, Михаела Сендерак, Миа Сабо, Ерик Грубеня, Виктор Шимко, Дорян Попович и Дамян Венчельовски.
Нашо каратисти зазначели шлїдуюци резултати: у катеґориї борбох освоєне 1. место, док у катеґориї катох завжати два други и штири треци места.
Каратистох на змаганю водзели тренере Милан Тасич и Наташа Ковачевич.
Орґанизатор Интернационалного Супер Енпи змаганя у каратеу бул КК „Спартак – Енпи” зоз Суботици.