РУСКИ КЕРЕСТУР/КОЦУР – ФК „Русин” и ФК „Искра” одбавели пририхтуюци стретнуца внєдзелю 23. фебруара. У Руским Керестуре госцовала екипа ФК „Соко” зоз Новей Ґайдобри, док у Коцуре госцовала екипа ФК „Раднички” зоз Баймоку.
Екипа Искри була успишнєйша и зазначела побиду зоз резултатом 3:1, док екипа Русина пораженa зоз резултатом 1:4.
ФК „Русин” – ФК ФК „Соко” (Нова Ґайдобра) – 1:4. Єдини ґол за екипу Русина дал Виктор Надь. За екипу бавели: Михайло Надь, Желько Шомодї, Боян Надь, Александар Кочиш, Стефан Тома, Илия Йованович, Оґнєн Маркович, Деян Югик, Виктор Надь, Иван Планчак и Петар Аґбаба. До бависка ище вошли: Александар Драґутинович, Орос Борис, Деян Будински, Теодор Штранґар, Давид Чордаш и Дарко Гарди.
Екипу Русина на тим стретнуцу водзел нови тренер Слободан Куколь, хтори на тим месце заменєл Милорада Чурчию.
ФК „Искра” – ФК „Раднички” (Баймок) – 3:1. Ґоли за екипу Искри дали: Дамян Ґубаш, Милан Ефендич и Никола Адамович. За екипу бавели: Филип Хромиш, Дамян Ґубаш, Андрей Малацко, Павле Човс, Милорад Ваяґич, Марко Грнячки, Милан Ефендич, Давид Гарди, Мариян Малацко, Душан Бокан и Никола Адамович. До бависка ище вошли: Марко Секулич, Лазар Милованович, Димитриє Ґрубачич, Давид Неделькович, Вид Неделькович, Стефан Шошкич и Лука Дорокхази.
ФК „Русин” на нєдзелю 2. марца дочекa екипу „Будучносц” зоз Младенова у першим колу ярнєй часци першенства, а стретнуце почнє на 14:30 годзин.
Шлїдуюце пририхтуюце стретнуце – (ґенералка), Искрa будзе бавиц на соботу 1. марца у Змаєве процив екипи ФК „Обилич”. Стретнуце почнє на 14:30 годзин.
