НОВИ САД – Тираж друкованей верзиї по руски, „Мацерова руска кухарка“ розпредани, алє ю мож купиц у електронским формату, як PDF кнїжку.
Цена е-кнїжки „Мацерова руска кухарка“ 10 евра (ЕУ), або 15 долари (Канада).
ЯК НАРУЧИЦ? На имейл адресу НВУ „Руске слово” – rsfin@ruskeslovo.com, послац имейл зоз меном и презвиском того хто наручує, державу зоз хторей наручує и валуту у хторей будзе плациц.
Сцигнє вам инструкция плаценя за вибрану валуту и после того як на рахунок НВУ „Руске слово” уплацице наведзену суму, док ше окончи трансакция, исти дзень вам сцигнє е-кнїжка „Мацерова руска кухарка“ по руски у PDF фомату.
НВУ „Руске слово” наруджби е-кнїжкох прима од пондзелку по пияток, од 9 по 14 годзин, по штреднєевропским чаше (Belgrade, CET-Central European Time, UTC/GMT +1 hour).
ЯК ПЛАЦИЦ? Заинтересовани особи хтори пошлю податки треба же би уплацели спрам инструкцийох и то так же би шицки трошки трансакциї зношел тот хто наручує е-кнїжку. Значи, на рахунок НВУ „Руске слово” треба же би сцигло 10 евра (ЕУ), або 15 долари (Канада), у зависносци у хторей валути уплацуєце.
ДОДАТНИ ПИТАНЯ: На имейл: rsfin@ruskeslovo.com Представительство НВУ „Руске слово” – у Новим Садзе на адреси Футожска 2, ІІІ поверх (од 9 по 14 годзин) телефон 021/6613-697.
За „Мацерову руску кухарку“ тексти написала и рецепти порихтала редакторка виданя Блажена Хома Цветкович, коавторка у пририхтованю рецептох и єдла приготовела Любица Няради, авторка фотоґрафийох Ивана Медєши, рамики и дизайн нукашнїх бокох Иґор Орсаґ. Лекторованє и коректура Ясмина Дюранїн, директор и ношитель проєкта Борис Варґа. Вельку часц кухарки финансовал руски привреднїк, котри тарґує зоз Китайом, а котри жада остац анонимни.
ЯК ДРУКОВАНИ ВИДАНЯ НАРУЧИЦ? Особи котри нє жию у Републики Сербиї, друковани кнїжки НВУ „Руске слово” найєдноставнєйше можу купиц прейґ фирми BOOK TRADE L.T.D EXPORT-IMPORT.
Треба директно контактовац Ану Чарапич, котра заинтересованим у зависносци од держави дзе жию, пошлє девизни рахунок на котри ше уплаци за кнїжку и поштански трошки.
Имейл за поручованє и шицки питаня: anabooktrade@gmail.com
На тим линку контакти и вецей информациї о фирми BookTrade.
НВУ „Руске слово” нє посила директно друковани кнїжки до иножемства, алє посила новини „Руске слово” и часописи „Заградку”, МАК и „Шветлосц”, за котри ше можеце предплациц. Информациї за предплату новинох и часописох зоз иножемства на тим линку.