ДЮРДЬОВ – У канцелариї матичара у Дюрдьове ютре, 31. авґуста, и напоютре, 1. септембра, будзе оможлївене уписованє од Окремного виберацкого списку (ОВС) рускей националней меншини у периодзе од 17 до 20 годзин.
Уписац ше муши кажде особнє, нєобходне зоз собу вжац особну леґитимацию, а у матичара будзе обезпечена помоц за пополньованє формулара.
Упис до ОВС нєобходни же би ше могло кандидовац за членох Националного совиту, алє и же би ше на виберанкох за Национални совит могло гласац.
Хто нє сиґурни чи є уписани до ОВС то може лєгко превериц на ТИМ ЛИНКУ.
Национални совит Руснацох поволує шицки полнолїтни особи, а окреме младих хтори од 2018. року потераз наполнєли 18 роки, же би вихасновали право хторе маме и уписали ше до Окремного виберацкого списку.