КОЦУР – У церковней сали Грекокатолїцкей церкви Успения Пресвятей Богородици у Коцуре на нєдзелю, 22. децембра, будзе отримани Каритасов крачунски вашар.
Нащивителє и того року годни поопатрац и купиц рижни ручни роботи и прикраски за наиходзаци новорочни и крачунски швета. Окрем тих, як и других понукнуцох котри викладаче планую за тоту нагоду, годно купиц и ґаґорки, як и бобальки котри волонтере коцурского Каритасу вредно пририхтую.
Крачунски вашар будзе тирвац од 8 по 12 годзин.
Орґанизаторе поволали шицких валалчанох же би того дня нащивели церковну салу, потримали викладачох, а тиж и помогли тим котри у потреби.