КОЦУР – На нєдзелю, 21. децембра у церковней сали Грекокатолїцкей церкви Успения Пресвятей Богородици у Коцуре будзе отримани Каритасов крачунски вашар.
И того року нащивителє годни видзиц и купиц рижни ручни роботи и прикраски за наиходзаци новорочни и крачунски швета. Окрем тих, як и других понукнуцох котри викладаче рихтаю, годно купиц и ґаґорки, як и бобальки котри волонтере коцурского Каритасу вредно приготовюю.
Крачунски вашар будзе тирвац од 8 по 12 годзин.
Орґанизаторе поволали шицких валалчанох же би того дня нащивели церковну салу, потримали викладачох, а тиж и помогли тим котри у потреби.