НОВЕ ОРАХОВО – Руснаци у Новим Орахове вше Кирбай славели на швето св. Архангела Михаїла. Пред 35 роками, кед у католїцкей церкви достали свою каплїчку, порадзели ше з Мадярами римокатолїками же би Кирбай славели єден дзень, кажде зоз свою Богослужбу концом октобра, на швето Христа Цара.
Грекокатолїцка кирбайска Служба Божа ше служи на 14 годзин, а парох новоораховски о. Владислав Рац, попри тим же є и парох коцурски, анї єдного року своїх Новоорахочанох нє зохабел без тей одпустовей Служби Божей. Так було и внєдзелю, 22. октобра. Госцох на Кирбаю було найвецей зоз Керестура, бо Новоораховчанє по походзеню Керестурци.
Красна хвиля допринєсла тому же пополадню вельке число Новоораховчаньох вишли зоз госцами обисц вашарску часц Кирбая. Шатри и народу було вельо, алє ше мало куповало, но дзеци найбаржей уживали у рижних им прилагодзених бавискох.
