РУСКИ КЕРЕСТУР – Державни секретар у Министерстве спорту Марко Кешель, вчера 18. октобра, нащивел Фодбалски клуб „Русинˮ у рамикох акциї у хторей обиходзи спортски клуби по менших штредкох Заходно-бачкого округу.
На тот завод, Клубу „Русинˮ подаровани симболични дарунки – спортски дреси, рукавици и лабди, а хтори часц дарунку Министерства спорту и Спортского союзу Сербиї.
Державного секретара Кешеля, вєдно зоз предсидательом општини Кули Дамяном Миляничом, на Русиновим Фодбалским стадиону, Ярашу, дочекали – предсидатель ФК „Русинˮ, Тихомир Медич и Окончователь длужносци Клубу Иван Чапко, Секретар Месней заєднїци Михайло Пашо и тренер Зденко Шомодї.
З тей нагоди, державни секретар домашнїм подзековал на госцопримстве и визначел значносц же би ше шицким клубом обезпечело цо лєпши условия за роботу, без огляду на їх велькосц.
Пред конєц, младши пионире пред присутнима одробели кратки тренинґ, односно даскельо вежби за координацию и вежби з лабду.
