Коцурски моторкаше на нєдзелю обрадую наймладших

автор Ол. Русковски
296 Опатрене

КОЦУР – З нагоди наиходзацих новорочних и крачунских шветох, на нєдзелю, 18. децембра члени Мото-клуба „Пеґасус” зоз Коцура и Туристична орґанизация општини Вербас орґанизую интересантну подїю у центре валала.

На площи опрез коцурского Дома култури будзе отримане друженє, збогацене з лакотками, колачами, ошвиженьом и музику. По сообщеню орґанизаторох, на друженє поволани шицки наймладши, як и їх родичи.

Плановане же би того дня у центре Коцура шицки змисти и друженє почали од 11 годзин.

Члени коцурского Мото-клуба „Пеґасус”, у сотруднїцтве зоз Туристичну орґанизацию општини Вербас и жителями Коцура, поволали шицких же би им ше придружели 18. децембра, а як визначели, потребне вжац лєм добре розположенє.

ПОВЯЗАНИ ТЕКСТИ