РУСКИ КЕРЕСТУР/КУЛА – Школа за основне музичне образованє (ШОМО) з Кули з нагоди 8. марца – Медзинародного дня женох, орґанизує Концерти своїх школярох.
Нєшка, 7. марца Концерт будзе отримани у Руским Керестуре, на 19 годзин у Доме култури (просториї Клубу 10) на котрим наступя школяре з керестурского оддзелєня ШОМО.
У Кули, у шветочней сали ШОМО, осмомарцовски Концерти буду отримани у двох терминох, 8. и 9. марца тиж на 19 годзин. Уход на шицки концерти безплатни.