НОВИ САД – Покраїнски секретарият за образованє, предписаня, управу и национални меншини – национални заєднїци 5. фебруара розписал други круг конкурсох у 2025. року и то три з обласци образованя и зоз витворйованя правох националних меншинох – националних заєднїцох. Прейґ тих конкурсох, вкупно ше додзелює 390,5 милиони динари.
Конкурс за финансованє и софинансованє реконструкциї, адаптациї, санациї, инвестицийне и чечуцe отримованє обєктох установох основного, штреднього образованя и воспитаня, школярского стандарду и предшколских установох на териториї Автономней покраїни Войводини за 2025. рок.
Конкурс за финансованє и софинансованє основних и штреднїх школох у АП Войводини хтори реализую двоязичну наставу у 2025. року.
Конкурс за финансованє и софинансованє набавки опреми за основни школи хтори маю статус явно припознатих орґанизаторох активносцох формалного основного образованя одроснутих на териториї АП Войводини за 2025. рок.
Конкурс за додзельованє буджетних средствох орґаном и орґанизацийом у Автономней покраїни Войводини у чиєй роботи ше службено хаснує язики и писма националних меншинох – националних заєднїцох за 2025. рок.
Прияви з потребну документацию ше доручує особнє у писарнїци покраїнских орґанох управи у Новим Садзе (у прижемю будинку Покраїнскей влади) або по пошти на тоту адресу: Покраїнски секретарият за образованє, предписаня, управу и национални меншини – национални заєднїци, з назначеньом назви конкурсу/програми и проєкту. Булевар Михайла Пупина 16, 21000 Нови Сад. Формулар питальнїка з прилогами мож найсц на сайту Секретарияту.