НОВИ САД – того тижня гражданє Войводини буду мац нагоду дац крев у вецей местох ширцом Покраїни.
Екипи Заводу за трансуфузию креви Войводини буду цагац крев на вецей локацийох, а на соботу, 4. марца од 8 до 12 годзин будзе роботна собота у Заводу за трансфузию у Новим Садзе, дзе мож присц дац крев нєнаявено, як и вшадзи дзе ше през тидзень будзе зберац крев.
Наютре, 28. фебруара, будзе акция добродзечного даваня креви у Руским Керестуре и у Крущичу.
У Керестуре акция будзе отримана у просторийох Месней заєднїци од 8:30 по 11 годзин, а у Крущичу, истого дня, будзе отримана од 12 по 13 годзин, тиж у просторийох Месней заєднїци.