ВЕРБАС – У старовербаскей Грекокатолїцкей церкви Покрова пресвятей Богородици внєдзелю, 13. априла, означена Квитна нєдзеля.
Вельку Службу Божу од 9 годзин служел парох старовербаски о. Алексий Гудак, а красне число вирних зоз молитву и шпивом возвелїчали тото швето и богослуженє.
По законченю Служби Божей, о. Гудак присутним парохияном подзелєл багнїтки же би их однєсли дому, лєбо на теметов и помодлєли ше за своїх покойних.
Шлїдуюцей нєдзелї и у Грекокатолїцкей парохиї у Старим Вербаше будзе преславена Велька ноц. У Велькей Служби Божей од 10 годзин будзе пошвецанє вельконоцних кошаркох, а того дня будзе и мированє.
