„Мацерова руска кухарка” – РОЗПРЕДАТА, у октобру преклад по сербски (фото)

автор Б. Варґа
246 Опатрене

НОВИ САД – Цали тираж од 1.200 прикладнїки кнїжки „Мацерова руска кухарка”, котру видала Новинско-видавательна установа „Руске слово” – розпредати за рок и пол.

„Мацерова руска кухарка” фактично национални проєкт, котри у марцу 2022. року реализовани з власнима моцами НВУ „Руске слово” и донаторску помоцу руского привреднїка, котри сце остац анонимни.

Идея настала 2019. року, а „Мацерову руску кухарку” реализовал першокласни тим – авторка текстох и редакторка виданя Блажена Хома Цветкович, коавторка у пририхтованю рецептох и єдла приготовела Любица Няради, авторка фотоґрафийох Ивана Медєши, лектура и коректура Ясмина Дюранїн и дизайн цалей кнїжки Иґор Орсаґ.

Пре помоц з боку, перша руска кухарка после трицец рокох мала приступачну цену и могло ще ю купиц на акциї, або з предплату виданьох „Руске слово” за 1.000 динари.

Початком октобра, исти тим рихта преклад „Мацеровей рускей кухарки”, по сербски, на латинки, котра будзе мац прилагодзену назву „Rusinski tradicionalni kuvar – po receptima moje majke”.

ПОВЯЗАНИ ТЕКСТИ