Млади русиновци ремизовали зоз Апатином

автор Д. Барна
88 Опатрене

РУСКИ КЕРЕСТУР – У дзешатим колу пионирскей лиґи Зомбор – Сивер фодбалски клуб „Русин” всоботу, 16. новембра у Руским Керестуре бавел процив екипи ФК „Младосц АПА” зоз Апатину и зазначел нєришени резултат хтори на концу стретнуца глашел 3:3.

За екипу Русина на тим стретнуцу бавели: Алексей Виславски, Алекс Цвайґ, Давид Джуня, Лука Фа, Теодор Штранґар, Марко Драґутинович, Марко Илич, Марко Колошняи, Тони Орос, Єлисей Пап, Алекса Сопка, Дарко Еделински и Дюла Фаркаш.

Ґоли за Русин дали: Теодор Штранґар, Алекса Сопка и Марко Драґутинович.

Пионирска екипа ФК „Русин” на полусезони после одбавених дзешец першенствених стретнуцох, на таблїчки ше находза на 6. месце зоз освоєнима 14 бодами.

Млади Русиновци од дзешец стретнуцох зазначели 4 побиди, 2 стретнуца одбавели нєришено док 4 стретнуца страцели. Дали 41 ґол док достали 30 ґоли.

Треба визначиц же найлєпши стрилєц на полусезони пионирскей лиґи Зомбор то Андрей Чижмар зоз ФК „Русин”, хтори дал 16 ґоли, а на трецим месце ше находзи Теодор Штранґар тиж зоз ФК „Русин” хтори дал 14 ґоли.

ПОВЯЗАНИ ТЕКСТИ