РУСКИ КЕРЕСТУР – Нєшка, 24. фербуара рочнїца аґресиї на Україну. Того дня ширцом по швеце, та самим тим и на богослуженьох Епархиї св. Миколая на особлїви способ ше будземе модлїц за шицки нєвини жертви тей войни, обявел епарх Георгий Джуджар.
Тиж так визначел и же ше будземе модлїц за прошвиценє одвичательних же би цо скорей престала война и настал так обчековани и потребни мир. На концу Служби Божей того дня, а так исто и на нєдзелю ше на клєчацо одмодлї молитву за мир у України.
Вчера, 23. фебруара вечар у храме св. оца Миколая була Служба за благослов учашнїкох дзевятнїци до Пречистей Дїви Мариї котра розвязує ґузли живота.
Подзековна Служба Божа за отримани ласки шицким котри модлєли спомнуту дзевятнїцу будзе 25. фебруара на соботу. На нєдзелю, 26. фебруара на 9 годзин рано будзе ше служиц Службу Божу за мир у України и у цалим швеце. На Служби Божей на 11:30 годзин вирни ше буду модлїц за пострадалих у трешеню жеми у Турскей, Сириї и Либиї.
На тоти Служби дали вирни котри под час молитви Дзевятнїци до Пречистей Дїви Мариї котра розвязує ґузли живота назберали добродзечни прилоги. Тоти просби були и їх намиреня под час Дзевятнїци.
У Центру „Йосафата” каждого штвартку после вечаршей Служби Божей за вирних ше отримує духовне стретнуце „Lekcio divina” – Молитва зоз Словом Божим.