РУСКИ КЕРЕСТУР – По препуруки епарха Епархиї св. Миколая кир Георгия Джуджара у Службох Божих, 24. фебруара кед ше означело рочнїцу аґресиї на Україну у шицких парохийох на колєнох модлєна молитва за мир на України.
Попри тей молитви и други Служби Божо у храме св. оца Миколая були служени за мир у України и пострадалих у вельким трешеню жеми котре ше случело у Турскей, Сириї и Либиї. На тоти намиреня дали вирни котри модлєли Дзевятнїцу до Пречистей Дїви Мариї котра розвязує ґузли живота.
Дух св. Миколая окреме моцни у нашей парохиї у котрей вирни назберали коло 60 тисячи динари за пострадалих у руйнуюцим трешеню жеми.
На соботу, 4. марца будзе друга Задушна собота, а на нєдзелю, 5. марца окрем Службох Божих у храме будзе ше служиц и Служба у манастире Малих шестрох на Циґлашоре.
