СИВЕЦ – Орґанизаторе Фестивалa акустичней музики „Фамус” поволую заинтересованих музичарох, кантавторох, же би ше по 7. новембер приявели участвовац на тим Фестивалу хтори ше отримує у Доме култури у Сивцу.
Шицки заинтересовани музичаре треба же би послали свою авторску композицию, кратку биоґрафию и контакт телефон. Авдио-видео знїмок треба же би бул зняти зоз телефонску камеру, а потребне го послац прейґ WeTransfer, на имеил адресу domkulture.sivac@gmail.com.
Фестивал, 40-ти раз будзе отримани на соботу 30. новембра, а о участвованю на Фестивалу и о побиднїкох, хторих обчекую пенєжни награди, и того року будзе одлучовац фахови жири.