16. ЮЛИЙ – На нєшайши дзень видати перши паперово пенєжи у Европи.
1661 – Стокголмска банка перша у Европи видала паперово пенєжи. У Сербиї ше паперово пенєжи почало друковац 1884. року и видала их Привилеґована народна банка Кральовини Сербиї.
1861 – Основани Сербски народни театер у Новим Садзе.
1872 – Народзел ше норвежски поларни виглєдовач Роалд Амундсен (Борґе, Норвежска, 16. юлий 1872 – Баренцово морйо, 18. юлий 1928), перши чловек хтори освоєл Южни пол.
1950 – На стадиону Маракана у Рио Де Жанеиру на Мондиялу, хтори отримани од 24. юния по 16. юлий, пред 99 тисячи патрачами, цо до теди було найвекше число хторе присуствовало єдним фодбалским змаганю, Уруґвай звладал у финалу домашнї Бразил.
1965 – Отворени тунел под Мон Бланом, длуги 11,6 километри и повязує Италию и Французку. Тунел отворели тедишнї предсидателє тих державох Дюзепе Сараґати и Шарл де Ґол.