16. СЕПТЕМБЕР – На нєшкайши дзень народзел ше проф. др Кирил Сидор.
1920 – Народзел ше ентомолоґ, вирусолоґ, проф. др Кирил Сидор (Бикич Дол, 16. септембер 1920 – Нови Сад, 9. децембер 2008). Основну школу закончел у Привиней Глави, гражданску школу у Шидзе, штредню польопривредну у Крижевцох, а дипломовал на Польопривредним факултету у Земуну 1950. року. У Кембриджу порихтал докторску дисертацию, хтору одбранєл у Новим Садзе 1963. року, робел як ентомолоґ у Заводзе за винїцарство и овоцарство у Сримских Карловцох. Од 1957. року бул наукови сотруднїк у Пастеровим заводзе у Новим Садзе и преподавал Вирусолоґию на Природно-математичного факултету – напрям Биолоґия. Упокоєл ше 9. децембра 2008. року у Новим Садзе.
1925 – Народзел ше Райли Би Кинґ, познати як Би Би Кинґ (Берклаир, Мисисипи, ЗАД, 16. септембер 1925 – Лас Веґас, Невада, ЗАД, 14. май 2015), леґендарни блуз музичар, шпивач, текстописатель и ґитариста.
1966 – З виводзеньом опери Семюела Барбера Антониє и Клеопатра отворени нови будинок Метрополитен опери у Линколновим центре у Нюйорку.
Нєшка Медзинародни дзень защити озонского обмотку – Дзень озона. Дзень установела Ґенерална скупштина Зєдинєних нацийох 1994. року, як здогадованє на датум кед 1987. року подписани Монтреалски протокол о субстанцох хтори чкодлїви за озонски обмоток.