20. ЮЛИЙ – На нєшкайши дзень почала перша Лєтня школа руского язика у Попраду.
1304 – Народзел ше писатель Франческо Петрарка (Арецо, нєшка Италия, 20. юлий 1304 – Арква Петрарка, 18/19. юлий 1374), найзначнєйши предходнїк ренесанси.
1847 – Народзел ше маляр и ґрафичар Макс Либерман (Берлин, Пруска, 20. юлий 1847 – Берлин, Нємецка 8. фебруар 1935), представнїк нємецкого импресионизма.
1919 – Народзел ше алпинист и виглєдовач сер Едмунд Персивал Хилари (Нови Зеланд, Таукау, 20. юлий 1919 – Нови Зеланд, Окланд, 11. януар 2008). Вєдно зоз Тензинґом Норґайом 29. мая 1953. року успишно завжал верх Монт Еверест (8848 метери), бул член Транс-Антарктичней експедициї Комонвелту хтора 4. януара 1958. року сцигла на Южни пол.
1924 – У Паризу основана Шветова шаховска федерация (World Chess Federation, скрацена назва ФИДЕ).
1938 – Народзела ше филмска ґлумица Наташа Ґардин, позната як Натали Вуд (Сан Франциско, ЗАД, 20. юлий 1938 – Санта Каталина, ЗАД, 29. новембер 1981).
1969 – Америцки космонавт Нил Амстронґ постал перши чловек хтори ступел на Мешац.
1976 – Америцка вселенска ладя без людства Викинґ 1 спущела ше после 11 мешацох лєценя на Марс и почала посилац на Жем ясни знїмки тей планети.
2015 – Почала перша Лєтня школа руского язика у Попраду у Словацкей, хтору орґанизовал Одбор за образованє Националного совиту Руснацох. Перша Лєтня школа руского язика тирвала од 20. по 26. юлий, а участвовали коло 30 дзеци з висших класох основней школи зоз школох дзе ше отримує порядна настава по руски и зоз школох дзе руски язик виборни предмет. Учашнїки були школяре з Руского Керестура, Коцура, Дюрдьова, Нового Саду, Суботици, Нового Орахова, Бачкей Тополї, Вербасу, Шиду и Бикичу. Руски язик, историю школяром преподавали и и други змисти орґанизовац пецеро преподавателє, векшином просвитни роботнїки, з Керестура, Коцура, Орахова, Беркасова и Нового Саду.
