НОВИ САД – Дружтво за руски язик, литературу и културу участвовало на Новосадским сайме кнїжкох, штварток, 21. марца у рамикох представяня Координацийного одбору дружтвох за язики, литературу и културу на штанду Покраїнскей влади.
Представене 10. число Мултиязичного часописа „Нови мост”, означена 50-рочнїца Координацийного одбору (1974–2024) и означени 21. марец – Дзень поезиї.
Слова було о виданьох на руским, румунским, горватским и бунєвацким язику и читани стихи на вецей язикох. Промоцию нащивел и министер за людски и меншински права и дружтвени диялоґ Томислав Жиґманов.
