ДЮРДЬОВ – Здруженє женох „Олория” зоз Дюрдьова и того року реализує проєкт наволани „Днї толеранциї Шайкашскей”.
У рамикох того проєкту того викенду буду отримани два концерти шпивацкей ґрупи ,,Стужица” зоз Словацкей. Перши будзе на соботу у просторийох Културно-уметнїцкого дружтва ,,Тарас Шевченко” у Дюрдьове, а други на нєдзелю у Општинскей народней библиотеки у Жаблю.
Обидва днї, програма почнє на 19 годзин.