НОВЕ ОРАХОВО – Tогорочнa Централнa преславa Националного швета Руснацох у Републики Сербиї будзе отримана на соботу, 17. януара у Новим Орахове.
Централна преслава у Новим Орахове почнє з Архиєрейну службу Божу хтору ше будзе служиц у Церкви Христа Спасителя на 17 годзин.
Потим почню програми у Доме култури. На 18:30 буду поставени етно-столи Активу женох КУД Жатва з Коцура, на 19:15 почнє промоция кнїжки Вично тирва 13. май о прешлосци рускей заєднїци у Новим Орахове, а од 20 годзин почнє Шветочна академия.
Националне швето Руснацох, будзе означене и у:
Новим Садзе, на штварток, 15. януара на 20 годзин,
Шидзе, на пияток 16. януара на 18 годзин,
Руским Керестуре, на пияток 16. януара на 19:30 годзин,
Дюрдьове, на соботу, 17. януара на 12 годзин,
Ґосподїнцох, на соботу, 17. януара на 13:30 годзин,
Бикичу, на соботу, 17. януара на 17 годзин,
Кули, на нєдзелю, 18. януара на 18 годзин,
Суботици, на штварток 22. януара,
Вербаше, на соботу 24. януара на 18 годзин.
Орґанизатор Централней преслави Националного швета Руснацох Завод за културу войводянских Руснацох у сотруднїцтве з Националним совитом Руснацох, КУД Петро Кузмяк з Нового Орахова, МЗ Нове Орахово и Општину Бачка Тополя.