РУСКИ КЕРЕСТУР – На вовторок, 20. авґуста будзе отримани Концерт лемковского Ансамблу писнї и танцу „Ластовичка” зоз места Прземков зоз Польскей. Концерт будзе отримани у Спортскей гали на 20 годзин, а уход ше нє наплацує.
Ансамл з Польскей на путованю до Греческей, будзе преходзиц през Руски Керестур дзе останє на ноцнїку, а ґу тому Керестурцом подарує и свой наступ.
Приход до Керестура польского ансамблу помогла Руска матка, а понеже нє годзен буц отримани у Доме култури пре очкодовану повалу на бини, Дом култури помогнє у технїчним смислу.