РУСКИ КЕРЕСТУР – 30. Културна манифестация „Костельникова єшень” почала вчера з промоцию найновших виданьох за дзеци НВУ „Руске слово” у Основней школи „Петро Кузмяк”.
Промоциї кнїжкох були у трох возросних ґрупох, а представени кнїжки за наймладших – сликовнїци „Животинї у дїдовим и бабовим дворе” авторки Наташи Еделински Миколка и „Ремесла и професиї” Даниели Тамаш.
Школяром трецей и штвартей класи представени – кнїжка писньох за рецитованє „Сладки кари” Меланиї Римар и перша кнїжка Златки Чизмаровей „Приповедки пред спаньом”, док школяре шестей и седмей класи упознали першу кнїжку „Правда до хторей я верим” авторки Сонї Алексич.
О кнїжкох з публику бешедовали и читали з нїх виривки сами авторки, окрем Тамашовей, а модераторе програми були одвичательни редактор видавательней дїялносци Микола Шанта и професорка Каролина Джуджар.
Знїмок промоциї мож одпатриц на нашим Ют’юб каналу.