РУСКИ КЕРЕСТУР – Ище єдно рукометне стретнуце одбавене внєдзелю 29. октобра у Спортскей гали у Руским Керестуре, тераз медзи Русином и Србобраном, од хторого Русин страцел зоз 24:46 (12:22).
Русин, после даскелїх нагодох почал водзиц, алє уж после 10. минути, при резултату од 6:6, госци ше „одлїпююˮ од домашнїх и нєпреривно звекшую резултат на свой хасен.
Од домашнїх бавячох вредзи спомнуц лєм Вукана Вуйовича, хтори дал 8 ґоли, док други бавяче на тим стретнуцу подруцели.
Ґоли дали – Виктор Микита и Милутин Буторович по 2 ґоли, Филип Орос, Борис Югик и Мирослав Виславски дали по єден ґол, Филип Тома 6, а капитен Славко Гербут 3.
На нєдзелю, 5. новембра, Русин госцує у Новим Кнежевцу дзе одбави змаганє процив Обилича.