РУСКИ КЕРЕСТУР – Нєшка у парохиї св. о. Миколая Вельки пияток и того дня вирни строго посца. На 8 г. читанє 12 страсних Евангелийох, а на 15 годзин Вечурня зоз покладаньом Плащанїци – Хованє Христово.
На Вельку соботу, 30. марца, на 8 г. Єрусалимска утриня, а на 20 годзин Пасхалне бдиниє, Всеночне зоз Службу Божу и Воскресну утриню.
На нєдзелю, 31. марца, Воскресенє Христово – Паска. Служби буду на 8 и на 10 годзин, хтора будзе Архиєрейска з пошвецаньом паскох. Вечаршей служби нє будзе.
На Шветли пондзелок, 1. априла, ше у храму буду служиц служби на 9, 11:30 и 18 годзин. Того дня будзе и мированє.
На Шветли вовторок, 2. априла, служби буду на 9, 11:30 и 18 годзин, як и Служба Божа на Циґлашоре на 16 г. зоз мированьом.
Каждого року волонтере Каритасу ноша пасхалне єдзенє особом хтори у чежким материялним станю. Хто може, най принєше тото цо одвоєл на соботу, 30. марца од 13 до 14 г. до Каритасу. Паноцец тото єдзенє пошвеци, а волонтере однєшу потребним до обисцох.