НОВИ САД – Здруженє новинарох Себиї (УНС) осудзує полицийне малтретованє новинарох хтори пияток вечар, 5. септембра информовали зоз протесту у Новим Садзе, и Нєзависне здруженє новинарох Сербиї (НУНС), вєдно зоз Европску федерацию новинарох (ЕФЙ), найоштрейше осудзую поступок полициї.
Здруженє новинарох Себиї (УНС) осудзує полицийне малтретованє новинарох хтори пияток вечар, 5. септембра информавали зоз протесту у Новим Садзе и поволує Министерство нукашнїх дїлох же би идентификовало одвичательних полицайох, же би порушало процес нукашнєй контроли и же би ше их санкционовало.
УНС спозорює же полицає вше частейши виновнїки за напади на новинарох и поволує МУП же би превжал шицки потребни мири же би новинаре могли безпечно робиц на терену.
Нєзависне здруженє новинарох Сербиї (НУНС), вєдно зоз Европску федерацию новинарох (ЕФЙ), найоштрейше осудзую поступок полициї хтори у цеку соботового судентского протеста у Новим Садзе применєли вельку силу спрам студентох и гражданох и онєможлївели роботу новинарох.
НУНС и ЕФЙ поволує Министерство нукашнїх дїлох же би такой порушали поступок нукашнєй контроли и же би шицких идентификовали и санкционовали, же би обезпечели врацанє однятей новинарскей опреми и претаргли застрашоване и нєзоконїте леґитимованє новинарох.