БЕОҐРАД – Републична Дирекция за робни резерви одкупи 200.000 тони меркантилного жита тогорочного урожаю, домашнього походзеня, по цени од 25,00 динари/кґ плус пдв.
Купованє меркантилного жита окончи ше прейґ Продуктней берзи а.д. Нови Сад. Приявйованє почина нєшка, 18. юлия, прейґ интернет бока Продуктней берзи а.д. и будзе кажди роботни дзень у периоду од 9 по 14 годзин, покля нє будзе приявене потребне количество.
Жито треба же би було узрете, здраве, без знакох сплєшнєтосци, квалитетне, добре за костиранє людзох, а условия обявени на сайту Републичней Дирекциї за робни резерви и Продуктней берзи а.д. Нови Сад.
Предносц при приявйованю маю физични особи – ношителє реґистрованих польопривредних ґаздовствох.