НОВИ САД – Тих дньох оформени Хор конкатедралней грекокатолїцкей церкви Св. ап. Петра и Павла у Новим Садзе, з хторим будзе руководзиц фахови музичар и дириґент Борут Павлич.
З новим паноцом, парохом новосадским Дарком Рацом, порадзене же у децембру хор першираз будзе провадзиц Службу Божу, предлужи зоз шпивом у церкви раз мешачно, а окреме на вeльки швета як цо Крачун, Велька ноц и Кирбай у Новим Садзе.
Новоосновани хор, у хторим шпиваю двецец тройо шпиваче, тих дньох почал з пробами, а на першей хористох привитал о. Рац и пожадал им успишну роботу.