РУСКИ КЕРЕСТУР – Члени Добродзечного огньогасного дружтва, пондзелок, 16. фебруара правели капущанїки, символично на перши дзень кед почал Вельконоцни пост по новим календару.
Капущанїки направели Михайло Рац, Ярослав Гарди и Зоран Дудаш, а на друженє и покоштовац капущанїки тот дзень пришли векшина керестурских огньогасцох и їх госци.
Як дознаваме, на тот завод пририхтали коло сто капущанїки, а исте єдло и друженє було орґанизоване и на Трокральову вилїю того року.