ЗОМБОР – На Окружним змаганю у шаху, котре отримане 11. марца у Зомборе, участвовали дзевецеро школяре з Руского Керестура котри тиж зазначели одлични резултат, а двоме школяре виборели пласман на Републичне змаганє.
На Републичне змаганє пласовали ше лєм першопласовани, односно лєм по єден школяр з каждей катеґориї. Зоз керестурскей школи таки резултат зазначели Андрей Провчи зоз 7. класи и Тони Орос зоз 6. класи, а тот посцигнути резултат то по першираз у новшей историї школи же будземе мац школярох на найвисшим уровню змаганя у шаху.
Нашо млади шахисти на Окружним змаганю у Зомборе завжали шлїдуюци места: хлапци: Марко Илич зоз 5. класи завжал 8. место, Тони Орос зоз 6. класи завжал 1. место, Исак Новта зоз 6. класи завжал 2. место, Андрей Провчи зоз 7. класи завжал 1. место, Лука Фа зоз 7. класи завжал 4. место; дзивчата: Валентина З. Гарди зоз 6. класи завжала 4. место, Валентина В. Гарди зоз 6. класи завжала 6. место, Лана Шомодї зоз 7. класи завжала 3. место, Сара Боцка зоз 8. класи завжала 5. место.
Републичне змаганє у шаху будзе отримане 1. априла у Нишу дзе будземе мац двох представнїкох зоз Руского Керестура.
Окружне змаганє у шаху орґанизовало Министерство просвити и шаховски союз Сербиї.