РУСКИ КЕРЕСТУР – Тих дньох, у Руским Керестуре, на инициятиву Месней заєднїци, окончена реконструкция спомин-плочи и Памятнїка погинутим борцом НОВ у Спомин-парку у Руским Керестуре.
Понеже спомин-плоча зоз символичним вичним огньом уж длугши час була пукнута и дотирвала, заняти спред керестурскей фирми „Каменорезац Малацко” пременєли пукнуту плочу, префарбели бетонску часц на хторим поставена плоча, виполирали постояци камень, а тиж оправели и подлогу на хторей поставени вояк, на Памятнїку погинутим борцом, же би бул стабилнєйши и же би нє приходзело до дальшого препаданя.
Оправку финансийно потримала Месна заєднїца и спонзоре з валалу.