ДЮРДЬОВ – У просторийох Културно-уметнїцкого дружтва „Тарас Шевченко” вчера вечар отримана штварта промоци Фестивалу новей рускей шпиванки „Ружова заградка 2024”, Явней медийскей установи Радио-телевизиї Войводини.
На промоциї, модераторка була Саня Маркович, бешедовало ше о тим як фестивал настава и як ше го пририхтує, о чим бешедовали орґанизаторе и длугорочни учашнїки „Ружовей заградки”, Агнета Тимко Мудри, Златица Няради, Мирослава Даждиу, Саня Дивлякович и Михаил Рамач.
Промоция була интерактивна и дорушело ше велї питаня вязани за тот фестивал. На концу госци з РТВ Войводини поволали шицких творительох зоз Дюрдьова, як композиторох и текстописательох, та и интерпретаторох же би потримали „Ружову заградку” и одволали ше на конкурс, а у тим понукли и евентуалну професийну помоц.
