СУБОТИЦА – Внєдзелю, 15. децембра у просторийох Союзу глухих и наглухих отримани Музични вечар „Музика наших старих” зоз хторим Дружтво Руснацох у Суботици приказало свою рочну активносц и роботу.
На вечаре наступела шпивацка ґрупа Дружтва Руснацох у Суботици, хтору водзи Диана Мишколци Киш.
Програму водзела предсидателька Дружтва Руснацох Анамария Лендєр, вона з тей нагоди гварела же шпивацка ґрупа ознова ожила влонї и такой успишно участвовали на шицких наших манифестацийох.
У програми участвовали и Ґабриа и Духна Паланчаи, вони читали поезию, а пририхтала их Наташа Ґрунчич.