ШИД – У Руским доме вчера, 21. авґуста отворена вистава малюнкох младого уметнїка Стефана Ковачича зоз Сримскей Митровици.
Ковачич закончел Подобову академию у Новим Садзе, напрям скулпторство и по тераз мал вецей самостойни и ґрупни вистави малюнкох у вецей городох Сербиї.
З тей нагоди на вистави виложел 10 малюнки велького формату як и штири скулптури з древа.
О Стефановей творчосци на отвераню вистави бешедовала кустоска Ґалериї „Лазар Возаревич“ зоз Сримскей Митровици Мария Вукайлович, а тиж и автор кратко гварел даскельо слова о своєй уметнїцкей творчосци.
Вистава будзе отворена у сали Руского дома 10 днї и почитователє подобовей уметносци ю можу опатриц.
