РУСКИ КЕРЕСТУР – У орґанизациї Пакт Рутенорум, пияток 3. и всоботу 4. октобра у старей школи у просторийох ФК Русин бул отримани Турнир у шаху.
Турнир бул гуманитарного характеру, а котизация виношела 1.000 динари.
На турниру участвовали петнац змагателє хтори були подзелєни до двох ґрупох. У змаганю по ґрупох, бавел кажде з каждим, а потим по штирме найлєпши зоз обидвох ґрупох пласовали ше до нокаут фази.
Перше место освоєл Звонимир Медєши, други бул Янко Катрина, док треце место завжал Владислав Штранґар.
За перши три места були обезпечени металиї, як и погар за побиднїка турнира.
