РУСКИ КЕРЕСТУР – Фодбалски клуб Русин почал зоз пририхтованями за ярню часц першенства. На першим тренинґу у спортскей гали одволало ше задоволююце число бавячох.
Клуб после законченей першей полусезони напущели велї бавяче, а то углавним бавяче зоз околїска. За клуб у наиходзацих стретнуцох буду бавиц найвецей бавяче з валалу, а до постави за перши тим Русина уведло ше и младих бавячох зоз Керестура.
Фодбалски клуб Русин ма нового/старого тренера, бо потерашнього Слободана Миловича на тим месце нашлїдзел Ранко Делич котри уж водзел екипу Русина.
Од помоцнєньох котри сцигли до Русину то бавяче – Михаило Бижович и Илия Йованович, а у клубу тиж остал и Дарко Сушич.
ФК Русин ше после першей часци першенства находзи на предостатнїм, 15. месце на таблїчки зоз освоєнима 11 бодами и шлїдзи им велька борба и намаганє же би остали и шлїдуюцого року у Подручней фодбалскей лиґи Зомбор.
