Почина XVII Шветови конґрес РРЛ и XI Шветови форум младих РРЛ

автор В. Вуячич
349 Опатрене

НОВИ САД – XVII Шветови конґрес Русинох/Руснацох/Лемкох (ШК РРЛ) и XI Шветови форум младих РРЛ будзе отримани од 17. по 19. авґуста Новим Садзе.

Нєшка, штварток, 17. авґуста, пополадню до Коцура сцигню учашнїки Конґресу. Вечаром руша за Нови Сад и на 20:30 годзин будзе отверанє 60. Самостойней подобовей вистави Влади Нярадия у Културним центре Войводини „Милош Црнянски”, вечар ше предлужи зоз заєднїцким поетским стретнуцом поетесох и поетох Русинох/Руснацох/Лемкох. Потим у Руским културним центре будзе отримана Перша схадзка Шветовей ради РРЛ.

На пияток, 18. авґуста, у амфитеатре Филозофского факултета у Новим Садзе, на  9:30 годзин будзе шветочне отверанє XVII Шветового конґресу РРЛ зоз Пленарним зашеданьом зоз звитами предсидателя Шветовей ради РРЛ и предсидательох конґресових членїцох-орґанизацийох.

Пополадню на 15:30 годзин почнє Медзинародни науково-фахови сход Сучасна русинистика – нєшка и у будучносци з пленарнима рефератами и представяньом филма о Подкарпат`ю. Потим почнє робота по конґресових комисийох XVII ШК РРЛ, источашнє будзе и зашеданє XI Шветового форуму младих РРЛ.

Програму XVII Шветового конґресу РРЛ можеце ту опатриц.

ПОВЯЗАНИ ТЕКСТИ